خاوند کو پریشانی کے وقت تسّلی دینے کی نصیحت

خاوند کو پریشانی کے وقت میں تسلی دیا کرے ۔ یہ صحا بیا ت کی سنت ہے ۔ جیسے نبی علیہ السلام پہلی وحی کے بعد﴿ زملونی زملو نی ﴾کہتے ہو ئے گھر تشریف لائے تھے تو خدیجة الکبریٰ رضی اللہ عنہا نے ان کو تسلی دی تھی۔بلکہ آپ فرماتے تھے کہ ﴿خشیت علی نفسی ﴾ مجھے اپنی جان کا خطرہ ہے ۔ تو انہوں نے فرما یا کلا ہر گز نہیں ۔ ﴿انک لتصل الرحم﴾ آپ تو صلہ رحمی کرنے والے ہیں ۔ ﴿وتحمل الکل ﴾اور دوسروں کا بو جھ اٹھانے والے ہیں ۔﴿ تکسب المعدوم﴾ اور آپ تو جن کے پا س کچھ نہیں ان کو کما کر دینے والے ہیں ۔ ﴿وتکری الضیف﴾۔ مہمان نو ازی کر نے والے ہیں ۔ جب آپ میں اتنے اچھے اخلاق ہیں تو اللہ تعالیٰ آپ کو ضا ئع نہیں فرمائیں گے ۔ چنانچہ اہلیہ کی ان با توں سے اللہ کے محبوب کو تسلی مل گئی تھی ۔ خا وند کبھی کا روبار سے یا کسی اور بات سے پر یشان ہو تو عورت کی ذمہ داری ہے کہ وہ گھر میں آئے تو تسلی کے بول بولے ۔ یہ نہ ہو کہ اس کی پر یشانی کو اور بڑ ھا نے کے لئے پہلے سے تیا ر ہو ۔

خاوند کاا عتماد حاصل کر نے کی نصیحت

خاوند کاا عتماد حاصل کر نے کی نصیحت
خوشگوار ازدواجی زند گی کے لئے یہ ضروری ہے کہ میاں بیوی کو با ہم ایک دوسرے پر اعتماد ہو ۔ اعتماد کا فقدان بسا اوقات دونوں کی زندگیوں میں بہت سی تلخیوں کا باعث بن جا تا ہے ۔ اس لئے بیوی کو چا ہیے کہ وہ کبھی کو ئی ایسا کام نہ کرے جس کی وجہ سے خاوند کی نظروں سے گر جا ئے ۔ چاہے وہ مال سے متعلق ہو یا چا ہے وہ اخلاق سے متعلق ہو ۔ کوئی ایسا کا م نہ کر یں جس کی وجہ سے آپ خاوند کی نظروں سے گر جائیں ۔ گر کر انسان دوبارہ وہ مقام نہیں پا سکتا جو پہلے ہو ا کر تا ہے ۔ بیوی کو چا ہیے کہ وہ اپنے میاں کے مزاج کو پہچا نے تا کہ گھر کے ماحول کو اچھا رکھ سکے ۔ اپنے میاں کے سامنے سچ کی زندگی گزارے۔
بات چھپا نے سے غلط فہمیاں پیدا ہو تی ہیں
عام طور پر رنجش کہاں سے پیدا ہو تی ہے کہ جب میاں بیوی آپس میں کچھ با تیں چھپا نا چا ہتے ہیں ۔ ایک دوسرے کے ساتھ مخلص ہو کر رہنے والی زند گی گزاریں ۔خا وند بیوی کے ساتھ مخلص ہو اور بیوی خاوند کے ساتھ مخلص ہو تو اللہ تعالیٰ ان کو پر مسرت بنادیں گے۔ پھر ایک دوسرے پر اعتماد ہوگا اور اچھی زندگی گزر جا ئے گی ۔ بات بتا نے سے گر یز کر نے سے غلط فہمی پڑ جا تی ہے ۔ اور با ت کو چھپا کر آدمی کب تک چھپا ئے گا ۔ دوسرا ٹوہ میں لگا رہے تو بات کا پتہ تو چل ہی جا تا ہے ۔ لہٰذا ایک دوسرے کے ساتھ دل کو صاف رکھنا چاہیے اور دلوں کو کھول دینا چا ہیے ۔ ایسا نہ ہو آدھی بات بتا ئی آدھی رکھ لی۔
ایک لطیفہ مشہو ر ہے کہ کسی عورت نے آواز دھم سی سنی ۔ اس نے دور سے پو چھا کہ کیا ہو ا ؟ خاوند نے جواب دیا ، کر تہ پا جامہ گر گیا ہے ۔ اس نے کہا ، کر تہ پا جا مہ گر نے کی تواتنی آواز نہیں ہو تی ۔ کہنے لگا ، ہاں میں بھی کرتے پا جا مے کے اندر تھا ۔ تواس طرح آدھی بات بتائی اور جب دوسرے نے تھوڑی ٹوہ لگا نی ہے ، تب اگلی با ت بتانی ہے تو پھر اس سے غلط فہمیاں بڑھ جا تی ہیں ۔ پہلے ہی پو ری بات بتا دینی چا ہیے ۔با ت کو بدل کر کر نا یا بات کو چھپا لینا ،یہ حقیقت میں جھوٹ ہوتا ہے ۔ خاوند کے سامنے جب عورت نے خود ہی جھوٹ بولنے کی عادت ڈال لی تو پھر اس کی بے بر کتی پو ری زندگی میں پڑے گی ۔ تکلیف اٹھا لینا ذلت کے اٹھا لینے سے بہتر ہے ۔ یاد رکھیں انسان جتنی محنت اپنے خامی کو چھپا نے کے لئے کر تا ہے ، اس سے آدھی محنت کے ساتھ وہ خامی دور ہو سکتی ہے۔آپ کبھی کو ئی ایسا کام نہ کریں جس سے آپ کے میاں کے دل میں آپ کے با رے میں کوئی شک پیدا ہو۔مثلاً خا وند کو یہ شک ہو کہ یہ جھو ٹ بو لتی ہے ، خا وند کو شک ہو کہ یہ پیسے چھپا لیتی ہے ، خا وند کو یہ شک ہو کہ جن لو گو ں سے تعلق کو میں نا پسند کر تا ہو ں یہ ان سے تعلق رکھتی ہے ۔ اس قسم کا کو ئی بھی شک خا وند کے دل میں پید ا مت ہو نے دیجئے۔اس لئے کہ جس دل میں شک جگہ بنا لے اس دل سے محبت رخصت ہو جا تی ہے۔

Enter your email address:


Delivered by FeedBurner

A GIFT TO THE HUSBAND AND WIFR

طلاق سے پہلے

طلاق سے پہلے
گھروں میں معمولی نوعیت کے جھگڑے اور اختلافات ہوتے ہی رہتے ہیں اور بعض اوقات کوئی بڑا جھگڑ ابھی ہوسکتا ہے۔ اس صورت میں اگر خاوند بیوی دونوں برداشت سے کام لیں بلکہ گھر کے دوسرے افراد بھی قابل تعریف کردار ادا کریں تو طلاق کی نوبت نہیں آتی۔ اگر عورت خاوند کی نافرمانی پر اتر آئے تو بھی فوری طور پر طلاق دینے سے منع کیا گیا، بلکہ اصلاح کا حکم دیا گیا ہے۔ اس سلسلے میں قرآن پاک نے جو راستہ بتایاہے وہ اس طرح ہے۔ ارشاد خداوندی ہے:
والتی تخافون نشوزھن فعظوھن واھجروھن فی المضاجع واضربوھن (سورہ نساء، آیت ۳۴)
اور وہ عورتیں جن کی نافرمانی کا تمہیں ڈر ہو تو انہیں پہلے نرمی سے سمجھاؤ اور پھر خواب گاہوں سے انہیں الگ کردو اور (پھر بھی باز نہ آئیں تو) انہیں مارو۔
اس آیت میں اصلاح کا طریقہ بڑی وضاحت کے ساتھ بیان کیا گیا ہے۔ یعنی ایسی عورتیں جن سے نافرمانی کا ڈر ہو پہلے انہیں زبان سے سمجھایا جائے، ٹھیک ہوجائیں تو بہتر ورنہ گھر کے اندر ان کا سوشل (سماجی)بائیکاٹ کیا جائے۔ ہوسکتا ہے۔ اب وہ سمجھ جائیں اور اگر اب بھی باز نہ آئیں تو ہلکی پھلکی سزا دو، یعنی ایسی سزا دی جائے جو اصلاح کا باعث بنے، اذیت ناک نہ ہو کیونکہ حضور علیہ الصلوٰة والسلام نے فرمایا :
فاتقوا اللہ عزوجل فی النساء (مسند امام احمد جلد ۵ صفحہ ۷۳)
عورتوں کے بارے میں اللہ تعالیٰ سے ڈرو۔
اور ایک روایت میں اس طرح ہے، آپ نے فرمایا:
ولا تضرب الوجہ ولا تقبح ولا تھجر الا فی البیت
(سنن ابی داوٴد ص ۲۹۱)
”نہ تو عورت کے چہرے پر مار، اور نہ ناشائستہ کلام کر اور بائیکاٹ بھی گھر کے اندر کر۔“
اگر ان مندرجہ بالا صورتوں کو اپنانے کے بعد عورت راہ راست پر آجاتی ہے تو اب طلاق دینے جیسے ناپسندیدہ عمل سے بچنا ضروری ہے۔ ارشاد خداوندی ہے:
فان اطعنکم فلا تبغوا علیھن سبیلاً (سورہٴ نساء، آیت ۳۴)
پس اگر وہ عورتیں تمہاری بات مان لیں تو ان کے خلاف کوئی راستہ تلاش نہ کرو۔
مقصد یہ ہے کہ جب عورت خاوند سے بغاوت نہیں کرتی اور اب اطاعت گزار ہوچکی ہے اور گھر کا سکون بحال ہوچکا ہے تو اب طلاق دے کر اسے پریشان نہ کیا جائے۔
مصالحتی کمیٹی
اگر مندرجہ بالا تین طریقے بھی مفید ثابت نہ رہوں اور اتفاق و اتحاد کی کوئی راہ نہ نکلے بلکہ میاں بیوی کے درمیان عداوت اور اختلاف کی دیوار کھڑی ہوجائے تو اب ذمہ دار حضرات مثلاً حکومتی افراد یا علاقے کے کونسلر یا محلہ دار اور گاؤں کے قابل اعتماد بزرگ حضرات کا فرض ہے کہ وہ دو آدمیوں پر مشتمل ایک کمیٹی مقرر کریں جس میں ایک عورت کے خاندان سے ہو اور دوسرا مرد کے خاندان سے تعلق رکھتا ہو، کیونکہ رشتہ داری کی بنیاد پر یہ لوگ اندرونی حالات سے زیادہ واقف ہوتے ہیں، یہ حضرات مصالحت کی کوشش کریں۔
نوٹ:۔ مصالحتی کمیٹی میں حسب ضرورت دوسرے مناسب افراد کو بھی شامل کیا جاسکتا ہے۔ نیز کمیٹی دو سے زیادہ آدمیوں پر بھی مشتمل ہوسکتی ہے۔
اگر ان لوگوں نے خلوص نیت سے کام لیا تو انشاء اللہ تعالیٰ حالات ٹھیک ہوجائیں گے
ارشاد خداوندی ہے:
وان خفتم شقاق بینھما فابعثوا حکماً من اھلہ وحکمًا من اھلھا ان یریدا اصلاحاً یوفق اللہ بینھما ان اللہ کان علیمًا خبیرًا
(سورہ نساء، آیت ۳۵)
اگر تمہیں ان کے درمیان ناچاکی کا خوف ہو تو ایک پنچ مرد کے خاندان سے اور ایک پنچ عورت کے خاندان سے مقرر کرو اگر وہ دونوں ان کے درمیان صلح کا ارادہ کریں گے تو اللہ تعالیٰ ان (میاں بیوی) کے درمیان موافقت پیدا کرے گا بے شک اللہ تعالیٰ جاننے والا، خبر رکھنے والا ہے۔
طلاق کی نوبت
اگر ان تمام طریقوں کو اپنانے کے باوجود حالات بہتر نہ ہوسکیں اور خاوند بیوی کے درمیان صلح کی کوئی صورت پیدا نہ ہو بلکہ انکا اکٹھا رہنا ناممکن ہوجائے تو سخت مجبوری کے تحت طلاق دی جائے۔
لیکن طلاق دیتے وقت یہ بات پیش نظر رہے کہ اگر کسی وقت حالات بدل جائیں، ان دونوں کے درمیان صلح ہوجائے اور اب دوبارہ میاں بیوی کی حیثیت اختیار کرنا چاہیں تو کسی قسم کی پریشانی اٹھانا نہ پڑے۔
لہٰذا ہمارے لئے ضروری ہے کہ ہم طلاق کی اقسام، طلاق دینے کے طریقوں اور طلاق کے لئے استعمال ہونے والے الفاظ سے مکمل طور پر آگاہ ہوں، اور ہمیں یہ بھی معلوم ہو کہ طلاق دینے کا بہترین طریقہ کیا ہے!

1916 کی ایک یادگار تصویر

ایک صدی قبل غیر مسلم عورتیں جو اپنے آپ کو خاندانی سمجھتی تھیں وہ بھی مکمل پردہ کا اہتمام کرتی تھیں البتہ جو باندیاں یا لونڈیاں ہوتی تھیں وہ اس کا نہ اہتمام کرتی تھیں اور نہ ہی ان کے لئے اسلام میں ضروری قرار دیا گیا ہے۔

آپ خود فیصلہ کریں آزاد خاندانی عورت ہیں یا لونڈی، باندی وغیرہ۔۔۔؟؟

In 1916, in Vienna, Austria, presented the king with his wife - which, as the queen was - was entirel

y covered only by the fact that it is the queen and not have to be looked by any man.

But this practice was originally started by Prophet Mohammed (peace be upon him) 1400 years ago on ALLAH's command to protect the dignity of Women.
In a nut-shell, every Muslim woman is considered as 'QUEEN'.
Note: This photo is not photo-shopped or morphed.
Its video still exists (2:15)

بچوں کو بد دعا نہ دینے کی نصیحت

بچوں کو بد دعا نہ دینے کی نصیحت
آ ج بچیوں کو تربیت کا پتہ نہیں ہو تا کئی تو ایسی ہو تی ہیں بچا ری کہ چھو ٹے سے بچے سے اگر غلطی ہوئی یا بچے نے رونا شروع کر دیا تو غصے میں آکر اب اس کو پتہ ہی نہیں چلتا کہ کیا کہہ رہی ہیں کبھی اپنے آپ کو کوسنا شروع کر دیتی ہیں میں مر جاتی تو اچھا تھا کبھی بچے کو بد دعائیں دینا شروع کر دیتی ہیں یاد رکھنا کہ بچے کو کبھی بد دعا نہ دینا کوئی زندگی میں ایسا وقت نہ آئے کہ غصے میں آ کے بد دعائیں دینے لگ جا نا ایسا کبھی نہ کرنا ۔ اللہ پا ک کے ہاں ماں کا جو مقام ہو تا ہے ۔ ماں کے دل اور زبا ن سے جو دعا نکلتی ہے وہ سیدھی اوپر جا تی ہے عر ش کے دروازے کھل جا تے ہیں تو دعا اللہ کے یہاں پیش کردی جاتی ہے ، اور قبول کردی جاتی ہے۔ مگر شیطان بڑا مردود ہے وہ ماں کے ذہن میں یہ ڈالتا ہے کہ میں گالی تو دیتی ہوں مگر میر ے دل میں نہیں ہوتی ۔ یہ شیطان کا بڑا پھندا ہے ۔ حقیقت میں تو یہ بدد عا کے الفاظ کہلواتا ہے اور ماں کو تسلی دیتا ہے کہ تو نے کہا تو تھا کہ مر جا ؤ مگر تمہارے دل میں نہیں تھا ۔ کبھی بھی شیطان کے دھو کے میں نہ آنا ۔ بچے کو بد دعا نہ کر نا ۔ کئی مائیں بچوں کو بد دعائیں دے کر ان کی عاقبت خراب کر دیتی ہیں ۔ اپنی زندگی بر با د کر دیتی ہیں ۔
ماں کی بد دعا کا اثر
ایک عورت کو اللہ نے بیٹا دیا مگر غصے میں قابو نہیں پا سکتی تھی ، چھو ٹی چھوٹی باتوں پر بچوں کو کوسنے لگ جا تی ایک دفعہ بچے نے کوئی بات ایسی کر دی غصہ آیا اور کہنے لگی ۔ کہ تو مر جاتا تو اچھا تھا ۔ اب ماں نے جو الفاظ کہہ دیئے اللہ نے اس کی دعا کو قبول کر لیا مگر بچے کو اس وقت مو ت نہیں دی بلکہ اس بچے کو اللہ تعالیٰ نے نیک بنایا ۔ اچھا بنا یا لائق بنا یا ۔ وہ بچہ بڑا ہو ا عین بھر پو ر جوانی کا وقت تھا یہ نیک بن گیا لو گوں میں عزت ہوئی لو گ نام لیتے کہ بیٹا ہو تو فلاں جیسا ہو ۔ پھر اللہ نے اس کو بخت دیئے کاروبار بھی اچھا ہو گیا تھا لوگوں میں اس کی عزت تھی ۔تذکرے اور چرچے تھے۔ اب ماں نے اس کی شادی کا پروگرام بنا یا ۔ خو بصورت لڑکی کو ڈھونڈا ۔ شادی کی تیاریاں کیں جب شادی میں چند دن باقی تھے ۔ اس وقت اللہ نے اس بیٹے کو مو ت عطا کر دی ۔ اب ماں رونے بیٹھ گئی ۔ میرا تو جوان بیٹا رخصت ہوگیا رو رو کر حال خراب ہو گئے ۔ کسی اللہ والے کو اللہ نے خواب میں بتایا ہم نے اس کی دعا کو ہی قبول کیا تھا جس نے بچپن میں کہا تھا کہ تو مر جا تا تو اچھا تھا۔ہم نے نعمت اس وقت واپس نہیں لی ۔ہم نے اس نعمت کو بھر پور بننے دیا ۔ جب عین شباب کے عالم میں جوانی کے عالم میں یہ پہنچا نعمت پک کر تیا ر ہو گئی ہم نے اس وقت پھل توڑا تا کہ ماں کو سمجھ لگ جائے کہ اس نے کس نعمت کی نا قدر ی کی۔ اب سو چئے اپنی بددعا اپنے سا منے آتی ہیں ۔یہ قصور کس کا ہو ا اولاد کا ہو ا یا ماں باپ کا ہو ا یہ ایک عبرت اور نصیحت پکڑنے کا ایک نمو نہ ہے ۔
حضرت مریم علیہا السلام کی والدہ کی دعا
بی بی مر یم علیہا السلام کے لئے اس کی ماں نے کتنی دعائیں کیں ۔ اور پھر یہ دعا ئیں کر تی رہیں یہی نہیں کہ بچے کی پیدائش ہو گئی تو دعا ئیں بند کر دیں ۔
قرآن مجید میں ہے کہ یہ اس کے بعد بھی دو دعائیں کر تی رہیں ۔
﴿ انی اعیذھا بک و ذریتھا من الشیطٰن الرجیم ﴾ ( ال عمران)
اے اللہ میں نے اپنی بیٹی کو اور اس کی آنے والی ذریت کو شیطا ن رجیم کے خلاف آپ کی پنا ہ میں دیا ۔ گو یا بچی چھو ٹی ہے مگر ماں کی محبت دیکھئے ۔ فقط اس بچے کے لئے ہی دعا ئیں نہیں مانگ رہی اس کی آنے والی نسلوں کے لئے بھی دعا مانگ رہی ہے ۔ اللہ رب العزت کو ماں کی یہ بات اتنی پسند آئی ۔ فرمایا :
﴿ فتقبلھا ربھا بقبول حسن وا نبتھا نبا تا حسنا ﴾ ( ال عمران )
اللہ رب العزت نے پھر اس بچی کو قبول فر مالیا اور پھر اس کی تر بیت فرمائی تو یہ ماں کی دعا تھی اور مر بی تو حقیقت میں اللہ رب العزت ہے ۔ تو ماں کی دعا ؤ ں کو قبولیت حاصل ہے ۔بچو ں کی جسمانی نشوونما اور اخلا قی اور روحانی تر بیت یہ والدین کی ذمہ دا ری ہو تی ہے ۔ جو والدین اس ذمہ دا ری کو احسن انداز میں پو را کر تے ہیں ان کی اولاد دنیا میں ان کے لئے راحت و آرام کا سبب بنتی ہے اور آخرت میں تر قی درجات کا سبب بنتی ہے ۔ اللہ تعالیٰ ہمیں اولاد کی ذمہ داریا ں پو ری کر نے کی تو فیق عطا فرمائے ۔

کیا آپ کو رشتہ چاہئے ۔۔؟؟

اگر آپ کو رشتہ مطلوب ہے تو ا س ویب سائٹ پر جائیں اور تلاش کریں۔
http://en.mawada.net/